Friday, September 4, 2009
တကိုယ်တော်ဆန္ဒပြ ဗိုလ်ကြီးဇော်ညွန့် အား ထောင်ဒဏ် ၂ နှစ်
Type your summary here
ဒေါ်အောင်ဆန်းစုကြည် အမှုရင်ဆိုင်နေစဉ်အတွင်း သူမကို လွှတ်ပေးရန် တကိုယ်တော် ဆန္ဒပြခဲ့သူ လေတပ်အငြိမ်းစား ဗိုလ်ကြီးဇော်ညွန့်ကို အင်းစိန်မြို့နယ် တရားရုံးက ယနေ့ ထောင်ဒဏ် ၂ နှစ် ချလိုက်သည်။
“Saving Suu is Saving Burma” ဟူသည့် စာတမ်းပါ ဆိုင်းဘုတ်အား ကိုင်ဆောင်ကာ အင်းစိန်ထောင်ရှေ့တွင် ဆန္ဒပြတောင်းဆိုခဲ့သည် ၅၆ နှစ်အရွယ် ဦးဇော်ညွန့်အား နိုင်ငံတော် ဆူပူမှုဖြစ်စေရန် လှုံ့ဆော်မှု ပုဒ်မ ၅၀၅ (ခ) အရ ကျုးလွန်သည်ဟုဆိုကာ ယနေ့ ပြစ်ဒဏ်ချလိုက်ခြင်း ဖြစ်သည်။
“ဒီနေ့ အပြီးသတ် အမိန့်ဖတ်တာက မိနစ် ၂၀ လောက်ကြာတယ်။ ၁၁ နာရီ ၄၅ မိနစ်မှာ ပြီးသွားတယ်။ ၅၀၅ (ခ) နဲ့ ၂ နှစ်ချလိုက်တယ်” ဟု ဦးဇော်ညွန့်၏ ရှေ့နေဖြစ်သူ ဦးမောင်မောင်လတ်က ပြောသည်။
တရားခွင်၌ အင်းစိန်မြို့နယ် ဒုရဲအုပ် ၄ ဦးနှင့် ရှာဖွေပုံစံ သာမန်အရပ်သား ၂ ဦးက တရားလိုပြ သက်သေအဖြစ် ထွက်ဆိုခဲ့သည်။
“လူတွေကို ထိပ်လန့်အောင်လုပ်တယ်ဆိုပြီးပေါ့။ တကယ်တော့ ၂ မိနစ်အတွင်းမှာ သူတို့ဖမ်းလိုက်တာ။ ဈေးနောက်ဖမ်းပြီးတော့မှ “ဒေါ်အောင်ဆန်းစုကြည် လွတ်မြောက်ပါစေ” ဆိုပြီး တချက်ပဲ အော်သွားတာ။ တချို့ လူတွေတောင် မသိလိုက်ဘူး။ အဲဒါကို ပတ်ဝန်းကျင်ကို ထိန့်လန့်အောင်လုပ်တာ မဟုတ်ဘူး။ တရားဥပဒေ စိုးမိုးရေးနဲ့ လုံခြုံရေးကို ပိပြားစေတာ မဟုတ်ဘူး” ဟု ဦးမောင်မောင်လတ်က ပြောသည်။
တရားခွင်အပြီးတွင် ဦးဇော်ညွှန့်က သူ၏ထောင်ဒဏ်မှာ အခြားသော နိုင်ငံရေးအကျဉ်းသားများနှင့် နှိုင်းယှဉ်လျှင် မပြောပလောက်ကြောင်းနှင့် အမျိုးသားဒီမိုကရေစီအဖွဲ့ချုပ် ထိပ်တန်း ခေါင်းဆောင်တဦးဖြစ်သော ဦးဝင်းတင်ကို စောင့်ရှောက်ပါရန် တူတော်သူများအား မှာကြားသွားကြောင်း သိရသည်။
မေလ ၂၈ ရက်နေ့က ၂ ပေပတ်လည်ရှိ ပိတ်စအဖြူ ဗင်နိုင်းစ (Banner) ပေါ်တွင် “Saving Su is Saving Burma'' ''ဒေါ်စုကို ကာကွယ်ခြင်းသည် မြန်မာပြည်ကို ကာကွယ်ခြင်းဖြစ်သည်” ဟူသည့် စာတန်းများ ရေးသားကိုင်ဆောင်ကာ ဆန္ဒပြခဲ့သည်။
ဦးဇော်ညွန့်သည် ၁၉၈၈ ခုနှစ် အရေးတော်ပုံတွင် ပါဝင်ခဲ့ပြီး အလုပ်သမား သွေးစည်းညီညွတ်ရေးအဖွဲ့ကို တည်ထောင်ခဲ့သူ ဖြစ်သည်။ သူသည် အင်္ဂလိပ်ဘာသာစကား သင်ကြားကာ သက်မွေးဝမ်းကြောင်းပြုခဲ့သည်။
အလားတူပင် ဒေါ်အောင်ဆန်းစုကြည် အကျဉ်းထောင်အတွင်း တရားဆိုင်နေစဉ် အဖမ်းခံခဲ့ရသူ အမျိုးသား ဒီမိုကရေစီအဖွဲ့ချုပ်ဝင် ရွှေပြည်သာမြို့နယ်နေ ကိုထွေးသိန်းကိုလည်း တရားရုံးက ပြီးခဲ့သည့်လ ၁၀ ရက်နေ့တွင် ထောင်ဒဏ် ၂ နှစ် ချမှတ်ခဲ့သည်။
မိမိကိုယ်ကို မီးရှို့ရန် ကြံစည်သည်ဟု စွပ်စွဲကာ ရဟန်းတော် အရှင်စန္ဒာဓိကကို ရုံးထုတ်
Type your summary here
မိမိကိုယ်ကို မီးရှို့ရန် ကြံစည်သည်ဟု ရဲကစွပ်စွဲခံထားရသော ရဟန်းတော် အရှင်စန္ဒာဓိကအား ရုံးထုတ်ခဲ့သည်
အင်းစိန်ထောင်တွင်း လက်ရှိထိန်းသိမ်းခံနေရသော သက်တော် ၃၆ နှစ်အရွယ် အရှင်စန္ဒာဓိကအား ရဟန်းဝတ်ချွတ်စေပြီး ရုံးထုတ်နေခြင်း ဖြစ်သည်။ ပဲခူးတိုင်း လေးကျွန်းမဏ္ဍိုင် ကျောင်းတိုက် ဒေးစွန်းဘုရားတွင် သီတင်းသုံးခဲ့သည့်သူ့ကို ရဲအုပ်ဇော်ဘုန်းဝင်းက တရာလိုပြုလုပ်ပြီး ဘာသာတရားကို ညှိုးနွမ်းအောင်လုပ်မှု ပုဒ်မ ၂၉၅ (က) ဖြင့် ဗဟန်းမြို့နယ် တရားရုံးတွင် တရားစွဲဆိုထားသည်။
“သက်သေ ၄ ယောက်ကို အခုတခါ ပြန်ခေါ်တယ်။ ၃ ယောက်တော့ စစ်ပြီးသွားပြီ။ ဒီနေ့က တရားလို ၁ ယောက်ကို စစ်တယ်” ပြောသည်။ သက်သေအားလုံးမှာ ရဲများဖြစ်ကြောင်း သီးခြား စုံစမ်းသိရှိရသည်။
“ဒီနေရာဟာ ရဟန်းမသွားရဘူးလို့ သတ်မှတ်ထားတာဟာ ဝိနည်းနှင့်လည်း မထိခိုက်ဘူး။ ဒီကိုလာတာလည်း ဆရာတော်ကနေ ဝါဝင်ပြီး လာတာ။ ရဟန်းသိက္ခာ ချိုးဖောက်တာ မဟုတ်ဘူး။ သာသနာကို ညှိုးနွမ်းအောင် လုပ်တာလည်း မဟုတ်ဘူးဆိုတဲ့ မေးခွန်းကိုလည်း သူကိုယ်တိုင် တရားရုံးကို မေးထားတယ်” ဟု တရားဆိုင်နှင့် နီးစပ်သူတဦးက ပြောသည်။
ဒေါ်အောင်ဆန်းစုကြည်ကို အမိန့်ချသည့် ပြီးခဲ့သည့်လ ၁၁ ရက်နေ့တွင် တရားဆိုင်က ဗဟန်းမြို့နယ် အမျိုးသား ဒီမိုကရေစီအဖွဲ့ချုပ်ရုံးသို့ ဝင်ရောက်ကာ သတင်းမေးပြီးပြန်အထွက် ဗဟန်းမြို့နယ် ရဲတပ်ဖွဲ့က ဖမ်းဆီးခဲ့သည်။
ဦးစန္ဒဓိကကို လူ ၃ ယောက်က ရန်ကုန်မြောက်ပိုင်းခရိုင် ရဲစခန်းဝင်းသို့ခေါ်ဆောင်သွားပြီး အနည်းဆုံး ရဲ ၂ ယောက်က ဝါးလုံးဖြင့် ရိုက်နှက်ခဲ့၍ ဒဏ်ရာရခဲ့သည်ဟု အာရှလူ့အခွင့်အရေးကော်မရှင် (AHRC) အဖွဲ့က ပြောသည်။
တရားရုံးတွင် နှစ်ဖက်ရှေ့နေများ အပြန်အလှန် မေးမြန်းထွက်ဆိုချက်အရ စွပ်စွဲခံထားရသူ၏ အနီးနားတွင် ရေနံဆီ သို့မဟုတ် အခြား သဲလွန်စ မတွေ့ရသလို သီးခြားလွတ်လပ်သော မျက်မြင်သက်သေများလည်း မရှိဟု AHRC က ပြောသည်။
သြဂုတ်လ ၂၇ ရက်နေ့မှ ၃၁ ရက်နေ့အတွင်း မကွေးတိုင်း ချောက်၊ ရေနံချောင်းနှင့် ပခုက္ကူမြို့နယ်များတွင် ရှာဖွေစစ်ဆေးမှုများရှိနေပြီး ရဟန်း ၄ ပါးကို စစ်အစိုးရက ဖမ်းဆီးထားသည်ဟု သံဃာ့တပ်ပေါင်းစုအဖွဲ့က ပြောသည်။
သံဃာတော်အဖွဲ့မှ အရှင်ဦးဓမ္မဝံသက “သာသာနာကို ညှိုးနွမ်းအောင်လုပ်နေတာက နအဖပဲ။ ဦးဇင်းတို့ ရဟန်းသံဃာတွေက ဓမ္မစက်အောက်မှာနေတာ။ အာဏာရှင် အောက်မှာနေတဲ့ ပုဂ္ဂိုလ်တွေ မဟုတ်ဘူး။ အခုလို ဖမ်းဆီး ဥပဒေ ပုဒ်ထီး ပုဒ်မတွေ တပ်ပြီးတော့ ထောင်ချတာတွေဟာ ဦးဇင်းတို့ဘာသာကို တခြားဘာသာတွေနဲ့ ကြည့်မယ်ဆိုရင် သိမ်ငယ်သွားတာပေါ့နော်။ အခု ကမ္ဘာ့အလယ်မှာ မျက်နှာငယ်ရပြီပေါ့” ဟု မိန့်သည်။
နေပြည်တော် စစ်ရုံးချုပ်သတင်းရပ်ကွက်အဆိုအရ သံဃာတော်များက ၂၀၀၇ ခုနှစ်ကကဲ့သို့ အလားတူ လူထုကို ဦးဆောင်ကာ အုံကြွမှုတခု ဖြစ်လာလိမ့်မည်ဟု စစ်အစိုးရက သံသယရှိနေပြီး လုံခြုံရေးတိုးမြှင့်ရန်နှင့် ဘုန်းကြီးကျောင်းများကို အနီးကပ်စောင့်ကြည့်ရန် ညွှန်ကြားထားသည်။
့ အာရှလူ့အခွင့်အရေးကောင်စီ၏ ကြေညာချက်တွင် အရှင်စန္ဒာဓိက အမှုကိစ္စအပါအဝင် အထောက်အထားမဲ့ ဖမ်းဆီးနှိပ်စက်ခြင်းများအပေါ် စိုးရိမ်ပူပန်ကြောင်းနှင့် မြန်မာပြည်ဆိုင်ရာ ကုလလူ့အခွင့်အရေး အထူးကိုယ်စားလှယ် မစ္စတာ ကွင်တားနားနှင့် ကုလအလုပ်အမှုဆောင်အဖွဲ့အနေဖြင့် ကြားဝင်ဖြေရှင်းပေးပါရန် တောင်းဆိုထားသည်