Subscribe

RSS Feed (xml)

Powered By

Skin Design:
Free Blogger Skins

Powered by Blogger

Tuesday, May 19, 2009

ဦးအေးသာအောင် (အထွေထွေ အတွင်းရေးမှူး၊ လွှတ်တော် ကိုယ်စားပြု ကော်မတီ - စီအာပီပီ) ၏ ပြောကြားချက်

“ဒေါ်စုနဲ့ ပတ်သက်ပြီး ရှင်းပါတယ်။ တကယ်တော့ တိုင်းပြည် အနာဂတ်ကို ကောင်းအောင်၊ ဖွံ့ဖြိုအောင်၊ တိုးတက်အောင် တည်ဆောက်မယ်ဆိုရင် အမျိုးသား ပြန်လည် သင့်မြတ်ရေးက ရအောင်ယူရမယ်။ အမျိုးသား ပြန်လည် သင့်မြတ်ရေးဆိုတာ အန်အယ်ဒီ၊ တပ်မတော်၊ ဒီမိုကရက်တစ် အင်းအားစု၊ တိုင်းရင်းသား အင်အားစုတွေ စည်းလုံး ညီညွတ်မှု လိုတယ်။ အဲဒီလိုနဲ့ တည်ဆောက်ရပါတယ်။ ပထမဆုံး ယုံကြည်မှုကို တည်ဆောက်တဲ့ အခါမှာ ဒေါ်အောင်ဆန်းစုကြည် အပါအဝင် ဦးခွန်ထွန်းဦး၊ မင်းကိုနိုင်၊ တခြားအကျဉ်းသားတွေကို လွှတ်ပြီးတော့ ပါဝင် တွေ့ဆုံခွင့်ရရမယ်။ အခုတော့ ပိုဆိုးအောင် မဆိုင်တဲ့ ပုဒ်မတွေနဲ့ ပြစ်ဒဏ်ပေးဖို့ ထောင်ချဖို့ ရည်ရွယ်တာဟာ သူတို့ရဲ့ အခြေခံ ဥပဒေကို တဘက်သတ်သွားမယ်။ နိုင်ငံတော်ကို ဘယ်သူသေသေ ငတေမာရင် ပြီးရော၊ ဆက်လက် အာဏာကို ရယူထားဖို့အတွက် နည်းမျိုးစုံနဲ့ လုပ်တယ်လို့ မြင်လာတယ်။”
“အခု ဒေါ်စုကို ဒီလိုလုပ်ခြင်းအားဖြင့် တိုင်းပြည်ရဲ့ အနာဂတ်ဟာ ပိုဆိုးလာနိုင်မယ်။ ဒီလို လုပ်လိုက်ခြင်းအားဖြင့် အမျိုသား ညီညွတ်ရေးကလည်း ဆိုးလာမယ်။ တိုင်းရင်းသား စည်းလုံး ညီညွတ်ရေးကလည်း ဆိုးတထက် ဆိုးလာမယ်။ အနာဂတ် မြန်မာနိုင်ငံရဲ့ အခြေအနေဟာ ပိုပြီးတော့ ဆိုးလာမယ့် အနေအထား ရောက်လာနိုင်မယ်။”
“ရွေးကောက်ပွဲက ကဏ္ဍတခုပါ။ ရွေးကောက်ပွဲဆိုတာ ဒီမိုကရေစီနိုင်ငံကို သွားတဲ့အခါမှာ နည်းမျိုးစုံနဲ့ အမျိုးမျိုး ချုပ်နှောင်ထားပြီးတော့ သွားလို့ မရပါဘူး။ ဒီမိုကရေစီနိုင်ငံကို ထူထောင် သွားတဲ့အခါမှာ ဒီမိုကရေစီကို အခြေခံတဲ့ ဖွဲ့စည်းပုံ ရှိရမယ်။ အဲဒီဖွဲ့စည်းပုံကို အခြေခံပြီး ကျင်းပတဲ့ ရွေးကောက်ပွဲပဲ ဖြစ်ရမယ်။”
“၂ဝဝ၈ခုဖွဲ့စည်းပုံဟာ အမျိုးမျိုးကန့်သတ် ချုပ်ချယ်ထားပြီးတော့ ဒီမိုကရေစီ အခြေခံတဲ့ တိုင်းရင်းသားတွေရဲ့ ရပိုင်ခွင့်ကို ကန့်သတ်ထားတဲ့ ဖွဲ့စည်းပုံ ဖြစ်တဲ့အတွက် ၂ဝ၁ဝမှာ ပြုလုပ်မယ့် ရွေးကောက်ပွဲသည် ဘယ်လိုမှ အနာဂတ် မြန်မာနိုင်ငံအတွက် ရည်မှန်းထားလို့ မရနိုင်ပါဘူး။”
“ပြည်သူလူထုကတော့ ဘယ်လိုမှ မကျေနပ်နိုင်ဘူး။ လုပ်ပုံလုပ်နည်းက တရားဥပဒေနဲ့လည်း မညီဘူး။ ပြောင်ပြောင်တင်းတင်းကြီး လုပ်ချင်တာလုပ်နေတာပဲ။ ရှေ့မှာ ပြည်သူတွေ၊ ရဟန်းသံဃာ တွေကို အမျိုးမျိုး ရက်ရက်စက်စက် လုပ်ခဲ့တယ်။ ကြိမ်မီးအုံးသလို ခံစားနေရတာပေါ့။”

No comments: