ဒေါ်အောင်ဆန်းစုကြည်အား အင်းစိန်အကျဉ်ထောင်တွင်း ရုံးထုတ်စစ်ဆေးမူ့ အပေါ် သံတမန်တချို နှင့် သတင်းထောက်တချို့့ဝင်ရောက်ကြည့်ရွှ၊

ဒေါ်အောင်ဆန်းစုကြည်က သံတမန်များကို ကျေးဇူးတင်ကြောင်း ပြောကြားခဲ့သည် ဟု ယနေ့နေ့လယ် တရားခွင်သို့ တက်ရောက်ခွင့်ရသည့် သတင်းထောက်များက ဆိုသည်။
“ဒီကိုလာတဲ့အတွက်ကော အားပေးတဲ့အတွက်ပါ ကျေးဇူးအများကြီးတင်ပါတယ်” ဟု ဒေါ်အောင်ဆန်း စုကြည်က သံတမန်များကို ပြောကြားခဲ့ကြောင်း AFP သတင်းတွင် ဖော်ပြထားသည်။
ဒေါ်အောင်ဆန်းစုကြည် အပါအဝင် စွဲချက်တင်ခံရသည့် လေးဦးကိုရုံးတင်စစ်ဆေးသည့် တတိယ မြောက်နေ့ ဖြစ်သည့် ယနေ့နေ့လယ်ပိုင်း စစ်ဆေးမှုတွင် သံတမန် ၃၀ နှင့် သတင်းထောက် ၁၀ ဦးတို့ကို တက်ရောက်ခွင့် ပြုခဲ့သည်ဟု သိရသည်။
မေ ၁၈ ရက်၊ ၁၉ ရက် နှစ်ရက်နှင့် ယနေ့နံနက်ပိုင်းတပိုင်းကို အများပြည်သူကြားနာခွင့် မရှိသော တံခါးပိတ်စစ်ဆေးသည့် တရားခွင်တွင် ရုံးတင်စစ်ဆေး ခဲ့ပြီး ၂၀ ရက်နေ့ နေ့လယ်ပိုင်း စစ်ဆေးမှုတွင်မှ ယခုကဲ့သို့ သံတမန်နှင့် သတင်းထောက်များကို တက်ရောက်ခွင့် ပြုလိုက်သည့်အတွက် အများက အံ့အားသင့်နေကြသည်။
ဒေါ်အောင်ဆန်းစုကြည်က သံတမန်များကို တယောက်ချင်းစီ တွေ့ခွင့်မရသော်လည်း ယခုထက် ပိုမို ကောင်းမွန်သောနေ့တွင် တွေ့ဆုံခွင့်ရရန် မျှော်လင့်ကြောင်း ပြောဆိုခဲ့သည်ဟု တရားခွင်သို့ တက်ရောက်ခွင့် ရရှိသည့် AFP သတင်းစာမျက်နှာတွင် ဆက်လက်ရေးသားထားသည်။
“တယောက်ချင်းစီ တွေ့ခွင့်ရဖို့ ကျမတောင်းဆိုခဲ့ပေမယ့် တွေ့ခွင့်မရတာကို စိတ်မကောင်းပါဘူး” ဟု ငြိမ်းချမ်းရေး နိုဗဲလ်ဆုရှင်က သံတမန်များကို ပြောဆိုခဲ့ကြောင်း သိရသည်။
စစ်ဆေးမှုအပြီးတွင် ဒေါ်အောင်ဆန်းစုကြည်ကို စင်ကာပူ သံအမတ်၊ ထိုင်း သံတမန်၊ ရုရှားသံတမန်တို့နှင့် တွေ့ခွင့်ပေးသည်ဟု တက်ရောက်ခွင့်ရသူ နိုင်ငံခြားသတင်းဌာနတခုမှ သတင်းထောက် တဦးက ပြောပြ သည်။
မြန်မာနိုင်ငံဆိုင်ရာ အင်္ဂလန်နိုင်ငံသံအမတ်ကြီး မာ့ခ်ကန်းနင်းက “သူ့ကိုကြည့်ရတာ အားအင်တွေပြည့်ဝပြီး တည်တည်ကြည်ကြည်နဲ့ စိတ်ဓာတ်ခိုင်မာတဲ့ပုံပေါ်နေတယ်။ သူ့ ရှေ့နေတွေအတွက်တော့ အားရှိစရာပဲ” ဟု BBC သတင်းဌာနကို ပြောကြားခဲ့သည်။
တရားရုံးတွင် ဒေါ်အောင်ဆန်းစုကြည်သည် ပန်းရောင်အင်္ကျီ၊ အနီရောင်တွင် အဝါဖောက်ထားသော ယော လချည်တို့ဖြင့် ကျန်းမာရေး ကောင်းမွန်သည့် ပုံစံမြင်တွေ့ရကြောင်း တက်ရောက်ခွင့်ရရှိသည့် ပြည်တွင်း ဂျာနယ် သတင်းထောက်တဦးက ပြောပြသည်။
“ဒေါ်အောင်ဆန်းစုကြည်ပုံစံက ပုံမှန် တည်တည်ငြိမ်ငြိမ်ပဲ။ အသားအရေကလည်း ကြည်ကြည် လင်လင်နဲ့ ပြုံးရွှင်နေတာတွေ့ရတယ်။ ရှေ့ဆုံးတန်းက သံတမန်တွေကို နှုတ်ဆက်တဲ့အနေနဲ့ တယောက်ချင်းစီကို ပြုံးပြတယ်” ဟု သူကပြောသည်။
ယမန်နေ့က ကြားနာစစ်ဆေးခဲ့သည့် အများပြည်သူကြားနာခွင့်မရှိသော တံခါးပိတ် တရားခွင်တွင်မူ ဒေါ်အောင်ဆန်းစုကြည်သည် ကျန်းမာရေးကောင်းမွန်ဟန်ရှိသော်လည်း အနည်းငယ်စိတ်တိုနေဟန် ရှိသည်ဟု အမျိုးသားဒီမိုကရေစီအဖွဲ့ချုပ် ရှေ့နေ ဦးကြည်ဝင်းက သုံးသပ်သည်။
တရားခွင်တွင် ဒေါ်အောင်ဆန်းစုကြည်နှင့် တခြားသူများကို နောက်မှီပါသော ထိုင်ခုံများတွင် တလံ အကွာစီခန့် ချဲကာ တရားသူကြီးနှင့် မျက်နှာချင်းဆိုင် ထိုင်ခိုင်းထားကြောင်း ဦးကြည်ဝင်းက ဆက်ပြောပြသည်။
ယနေ့ တရားလိုပြသက်သေတဦးဖြစ်သော ရဲအရာရှိတဦးကို စစ်ဆေးရာ ၎င်းက ဒေါ်အောင်ဆန်းစုကြည် အိမ်အတွင်း ဝင်ရောက်ခဲ့သည်ဆိုသော မစ္စတာယက်ထောက နေအိမ်ဝင်းအတွင်း အစ္စလာမ် ဘာသာဝင် အမျိုးသမီး ဝတ်စုံ ၂ စုံနှင့် စာအုပ် ၂ အုပ်ချန်ထားခဲ့သည်ဟု အစစ်ခံခဲ့ကြောင်း သိရသည်။ ထိုဝတ်စုံ ၂ စုံကို တရားခွင်တွင် အမျိုးသမီး ၂ ဦးက ဝတ်ပြထားသည်ဟု တက်ရောက်ခဲ့သူ တဦးက ဆိုသည်။
ဒေါ်အောင်ဆန်းစုကြည်၏ အမှုကို ကြားနာစစ်ဆေးသော ယနေ့ တရားခွင်တွင် သံတမန်များ၊ နိုင်ငံခြား သတင်းဌာနများနှင့် ပြည်တွင်းမီဒီယာသတင်းထောက်များ၊ နိုင်ငံခြားရေးဝန်ကြီးဌာနမှ ဝန်ထမ်းများအပါအဝင် လူ ၇၀ ခန့် တက်ရောက်ခဲ့ကြောင်း ကြားသိရသည်။
တရားခွင်သို့ နိုင်ငံခြားသတင်းဌာနများကို မဲနှိုက်ကာ မဲပေါက်သည့် ဌာန ၅ ခုကိုတက်ရောက်ခွင့်ပြုခဲ့ပြီး မြန်မာပုဂ္ဂလိကသတင်း မီဒီယာ ၅ ခုကိုမူ စာပေစိစစ်ရေးက ရွေးချယ်စေလွှတ်ခဲ့ကြောင်း ကြားသိရသည်။ တက်ရောက်ခွင့်ရသော ပုဂ္ဂလိကမီဒီယာထဲမှ အများစုမှာ ပြန်ကြားရေးဝန်ကြီးနှင့် နီးစပ်သော မီဒီယာများ ဖြစ်သည်။
ထို့ပြင် အစိုးရမီဒီယာများအဖြစ် မြန်မာ့ရုပ်မြင်သံကြားနှင့် မြန်မာသတင်းစဉ်တို့မှ သတင်းထောက်များ တက်ရောက်ခဲ့ပြီး ၎င်း မီဒီယာ ၂ ခုက တရားခွင်အတွင်း ဓာတ်ပုံနှင့် ဗီဒီယိုများ ရိုက်ကူးခဲ့သော်လည်း ကျန်မီဒီယာနှင့် သတင်းဌာနများမှာ ကင်မရာများ ယူဆောင်ခွင့်မရခဲ့ကြောင်း ကြားသိရသည်။
ဒေါ်အောင်ဆန်းစုကြည်နေအိမ်အတွင်းသို့ မစ္စတာ ဂျွန်ဝီလျံယက်ထော ဝင်ရောက်ခဲ့သည်ဟု စစ်အစိုးရက စွပ်စွဲကာ ဒေါ်အောင်ဆန်းစုကြည်ကို အင်းစိန်ထောင်သို့ ပြောင်းရွှေ့၍ ရုံးတင်စစ်ဆေးခဲ့သည့်အတွက် အာဆီယံအပါအဝင် နိုင်ငံ တကာအသိုင်းအဝန်းနှင့် နိုဗဲလ်ဆုရှင်များက ဝိုင်းဝန်းပြစ်တင်ခဲ့ကြသည်။
မေလ ၁၉ ရက်နေ့ထုတ် အစိုးရသတင်းစာများတွင် ဒေါ်အောင်ဆန်းစုကြည်ကို “တရားခံ” ဟု ခေါ်ဝေါ် သုံးစွဲ ထားသည်ကိုလည်း တွေ့ရသည်။
အင်္ဂလန်နိုင်ငံသံအမတ်ကြီး မစ္စတာ မာ့ခ်ကန်းနင်းက “ဒီဇာတ်လမ်း ဘယ်လိုအဆုံးသတ်မယ်ဆိုတဲ့ ဇာတ်ညွှန်းက ရေးထားပြီးသားပါ။ ထွက်လာတဲ့အဖြေကတော့ ကောင်းမှာ မဟုတ်ဘူး” ဟု BBC သတင်း ဌာနကို ပြောကြားခဲ့သည်။